بعض النكت المغربية والعربية.

السلام عليكم ورحمة الله تعالى وبركاته ..........أخوكم رشيد لمعاشي

أقدم لكم اليوم بعض النكت المغربية والعربية وأتمنى أنه تعجبكم
على بركة الله نبدء ...............................

هذا واحد العروبي مشى للبحرعين الدياب ، شاف البنات كيتشمسو ، قال لواحد الشمكار؛ ناري كون كانت السيبة. رد عليه الشمكار؛ كون كانت السيبة نبدا بيك أنت الاول.


هدا واحد الراجل اشترى سمكة كبيرة.
الزوجة: آخ...الحوتة خانزة...
الزوج: علاه أنت عايمة فحالها.



هدا واحد الدكالي آنفجر في وسط سوق خميس الزمامرة...آشنو الإرهاب، لقاوه واكل صندوق ديال الكرموس الهندي.


هدا واحد الراجل مخاصم لا يتكلم مع الزوجة ديالو. كتب ليها: غدا فيقيني مع 6 صباحا...لكن ما فاق حتى 12 ...وهو يلقاها كتبا ليه : فيق راه 6 صباحا.



هذا محماد الشلح مول الحانوتة , لقى ولدو تيشوف في شامبوان...وهو يصلع ليه.
هذا محماد الشلح مول الحانوتة, لقى ولدو تيشوف في colgate...وهو يحيد الأسنان دياولو.



هدا واحد أحول...... تسجل في الجيش ...... حطوه في قسم القصف العشوائي.



هذا واحد الطفيلي، دائما يتدخل فيما لا يعنيه، واحد النهار لقى الناس مجمعين على حادثة سير، وهو يقول ليهم خلوني ندخل أنا أخ الضحية، ملي دخل، لقى حمار ميت
هدا واحد المجرم خرج من الحبس، المحلات ديال الدرب كلهم سدوا، ماعدا محماد الشلح، وقف عليه المجرم، وقال ليه: اعطيني ساندويش، محماد الشلح خايف، نسى غلاقة ديال المونادا وسط ساندويش،المجرم قال ليه: ناري محماد اليوم ندبحك، محماد الشلح خايف جاوبو: ياه لقيتي غلاقة ديال المونادا ، وربحتي ثلاجة...



هدا واحد المقدم، مشى يخطب واحد البنت، سولوه: شحال كتخلص في الشهر، قال: أنا والقايد تنربحو 100 ألف ريال في الشهر.





هدا واحد مات مقوس، الناس معرفوش كيف يدفنوه، واحد السكيري قال ليهم دفنوه في الدورة ديال راس الدرب.




هدي واحد المراة كتشك في راجلها، واحد اليوم لقات شعرة شهبة ،قالت ليه : شكون هاد الشهبةاللي كنتي معاها، واحد اليوم لقات شعرة حرشة ،قالت ليه:شكون هاد العزوة اللي كنتي معاها،واحد اليوم ملقات حتى شعرة ،قالت ليه : شكون هاد القرعةاللي كنتي معاها....




هدا واحدمول الطاكسي، صباطو خانز، سولو الكليان ديالو، شحال من حصان في الموطور ديال الطاكسي، قال ليه: عشرة ديال الخيل، جاوبوالكليان : يمكن مات ليك شي واحد منهم.



هدا واحد الدكالي بغا يمشي للحج ، خلى لاكارت ناسيونال لقبيلتو وقال ليهم : والجماعة إلا وقعات شي حاجة أنا راني شاهد.



هدا واحد الجبلي مشى أول مرة للبحر ، لقى المد، ثاني مرة، لقى الجزر، دار عند صاحبو، وقال ليه: لي ميتر ناجور باعووشراو.





هدا واحد العروبي سافر في الطيارة، قال للبيلوط؛ سير قبلة باغي نصلي، لكن رفض ليه، وهو يقوليه؛ يالاه وقف بنا في احد السوالم، بغي نشوي القضبان و نتوضى.



هدا واحد البخيل ملبس الدجاج ديالو، سليبات باش ميبيضش عند الجيران.



هذا واحد الشلح ساكن في المحلبة، ولدو بات بلا عشاء ، قال ليه أبا فيا الجوع ، باه هز الريدو وقال ليه: شوف الحوانت كلهم سادين

ok mon pote rachid nokat mazyana tla3 ochof dyali orad 3lya ok